Поранешниот светски број 1, Енди Мареј направи успешен кам-бек на тенисот на 1 јануари, откако со 6:3/6:4 го победи домашниот фаворит Џејмс Дакворт во првото коло на Бризбејн интернешнл турнирот.
31-годишниот Шкотланѓанец лани ја прекрати сезоната поради болки во колкот по операцијата која го отстрани од три од четирите гренд слема. Тој во моментов е на 240. место на АТП листата и не е носител во Бризбејн, но вели дека е презадоволен од враќањето.
„Секако дека бев нервозен. Но, како што одеше мечот, мислам дека се движев подобро. Ова ми е прв меч по долга пауза и сакав да уживам во него. Не беше лесно во последните 18 месеци“, вели Мареј, кој се врати на теренот минатиот јуни и одигра само 12 комплетни мечеви во 2018.
Сега, во второто коло го очекува тежок дуел со четвртиот носител, Русинот Данил Медведев.
Фото: ЕПА
Muzza does it! @andy_murray comes good 6-3 6-4 in his first match since September, the former champ winning over James Duckworth #BrisbaneTennis pic.twitter.com/uKcfVI7wvD
— #BrisbaneTennis (@BrisbaneTennis) January 1, 2019