Сребрениот медал кој го освои Луц Лонг, германски скокач во далечина, на Олимписките игри во Берлин во 1936 година беше продаден на аукција за 488.000 долари, што е рекордна сума за еден сребрен медал, објави аукциската куќа.
Лонг остана запаметен откако по завршувањето на натпреварувањето, долго време одеше под рака со победникот, Американецот со темна боја на кожата Џеси Овенс, а сето тоа го следеше Адолф Хитлер од трибините на стадионот во Берлин.
Семејството на славниот атлетичар, кој загина во Втората светска војна, одлучи да го даде на аукција медалот и другите колекционерски предмети.
„Овој медал и предметите ја раскажуваат неверојатната приказна за Луц Лонг, најхрабриот олимпиец“, изјави претседателот на аукциската куќа Дејвид Колер.
Овенс освои четири златни медали на Олимписките игри во Берлин, а неговиот успех го урна нацистичкиот мит за супериорноста на ариевската раса.
„Потребна беше голема храброст за да се спријатели со мене. Можете да ги стопите сите медали и трофеи што ги имам и тие не би биле дел од 24. каратното пријателство што го чувствував за Луц Лонг во тој момент. Хитлер мора да има полуде гледајќи не како се прегрнуваме“, изјави Овенс многу години подоцна.