Рускиот тенисер Данил Медведев кој го победи Новак Ѓоковиќ во финалето на САД опен, со триумф го започна и походот на Мастерсот Индијан Велс. Утринава со 2-0 (6-4 и 6-2) беше подобар од Американецот Мекензи Мекдоналд. За Русинот ова беше 17-тата победа во 18-тиот меч.
„Многу сум задоволен, затоа што обично не сум играл така добро на Индијан Велс, а не бев ни посебно добар на тренинзите пред почетокот на турнирот. Задоволен сум од играта, тоа е најважно“ смета тој.
Негов следен противник на турнирот е Филип Краиновиќ, инаку добар пријател токму на Ѓоковиќ.
На синоќешните дуели немаше поголеми изненадувања, Димитров со 2-0 славеше против Алтмаер, Карацев беше убедлив против Карусо, а Херис немаше проблеми со Давидович Фокина.
Пласман во следна фаза обезбеди и рускиот тенисер Рубљов, во два сета беше подобар од Табернер.