Голем шок во Холандија доживеа Данил Медведев кој во финалето на турнирот во Хертогенбош загуби од Тим ван Ријтовен. Холандскиот тенисер, кој е на 205. позиција во светот, приреди вистинска сензација и со 6:4, 6:1 го фрли на колена Данил Медведев.
Финалето траеше само 61 минута, а холандскиот тенисер направи чудо во своето прво АТП финале.
Интересно е тоа што Холанѓанецот во кариерата има играно само на еден АТП турнир во главната фаза, а сега ги победи Метју Ебден, Тејлор Фриц, Хуго Гастон, Оже-Алијасим…
Целата приказна доби дополнителна тежина ако се знае дека Ван Ријтовен дојде на турнирот во Хертогенбош благодарение на специјална покана.