Конор Мекгрегор го остави ривалството со УФЦ шампионот Хабиб Нурмагомедов на страна, и изјави дека се „моли за семејството Нурмагомедов“ по вестите за влошеното здравје на таткото и тренер на Нурмагомедов, Абдулманап.
57-годишниот Абдулманап Нурмагомедов, според руските медиуми излегол од кома во воената болница во Москва, откако имал и срцев удар, а ситуацијата се влошила со позитивниот тест на корона вирусот. Мекгрегор покажа дека е голем човек праќајќи порака до Нурмагомедови.
„Се молам за опоравувањето на Абдулманап Нурмагомедов. Човек одговорен за повеќе шампиони, во различни боречки дисциплини, отколку што знаеме. Вистински гениј на боречкиот спорт“, напиша Мекгрегор.
Лекарите во воената болница во Москва пак, објавија дека тој е во „сериозна, но стабилна состојба“ и дека ја повратил свеста. Според пријателот на семејството, Рамазан Рабаданов пак, и покрај тоа што ја вратил свеста, Абдулманап уште не зборува.
Praying for the recovery of Abdulmanap Nurmagomedov. A man responsible for more World champions, across multiple fighting disciplines, than we even know.
A true martial genius!
Very saddened upon hearing this news tonight.
Praying for the Nurmagomedov family at this time ? https://t.co/OVklQphPgN— Conor McGregor (@TheNotoriousMMA) May 13, 2020