Швајцарскиот тениски ас, Роџер Федерер неодамна го оперираше коленото, поради што нема да биде на терените се до почетокот на сезоната на трева.
Легендарниот тенисер, Џо Мекинро вели дека и во 2016 година Федерер бил веќе отпишан, но тој се вратил фуриозно и по враќањето освои три грен слем турнири.
„Тогаш Роџер отсуствуваше од теренот 6 месеци. Тоа беше пред 4 години. И тогаш успеа да се врати, го освои Австралија Опен, беше неверојатно. Никогаш не треба да го отпишувате“ – смета Мекинро.
Тој швајцарскиот ас го спореди со Том Брејди, легендата на американскиот фудбал.
„Истата ситуација беше и со Том Брејди. Како успеваат да го прават сето тоа во тие години. Тоа е феноменално. Мислам, неверојатно е како играат се уште на така високо ниво“ додаде Мекинро.