Рафаел Надал постави супер-пресметка со Ник Кирјос во второто коло на Вимблдон, откако по само два часа игра на „Теренот број 1“ со 6:3/6:1/6:3 го победи јапонскиот квалификант Јуичи Сугита.
Во мај, Кирјос го нарече Надал „супер-солен“, обвинувајќи го дека не знае да прифати пораз и додавајќи дека неговиот долгогодишен тренер, чичкото Тони Надал е „вистински идиот“. Шпанскиот трет носител сигурно ќе биде мотивиран да му ја „затне муцката“ на Австралиецот, но Кирјос по победата над Џордан Томпсон изјави дека има „заедничка почит“ меѓу двајцата тенисери. Надал изјави дека е престар да влегува во војна на зборови.
„Многу години сум на турнејата и нема да се тепам со никого. Тука сум да го правам тоа што го сакам“, изјави Надал, кој ја брка својата трета титула на Вимблдон, но прва од 2010 година.
Straight sets.
Straight into the second round. @RafaelNadal defeats Yuichi Sugita 6-3, 6-1, 6-3Up next: @NickKyrgios…#Wimbledon pic.twitter.com/n5gF8oMqvT
— Wimbledon (@Wimbledon) July 2, 2019
Кирјос лудуваше на Вимблдон, па го победи сонародникот Томпсон (видео)