ПФЛ 7 во Лас Вегас донесе еден од најбизарните настани во ММА борењето, откако Крис Кертис прво се пензионираше по пораз, потоа повторно стави ракавици, за да добие брутален нокаут во вториот меч од вечерта.
Системот на натпреварување во ПЛФ, односно плеј-оф системот значи дека во различни дивизии на федерацијата се стигна до четврт-финале и полуфинале во Лас Вегас за да добијат шанса да се борат за наградата од 1 милион долари.
Крис „Екшн мен“ Кертис во четврт-финалето во велтер категорија, беше поразен од минатогодишниот шампион Магомед Магомедкеримов по две рунди на поени, по што 32-годишниот Американец ги остави ракавиците во кафезот и на социјалните мрежи објави дека се повлекува.
Maga-Million has the Action Man’s number! Magomed Magomedkerimov defeats Curtis for the second time and will fight again tonight in the Welterweight Semifinals on ESPN2. #PFLPlayoffs pic.twitter.com/EwFvI99EEi
— #PFLmma (@ProFightLeague) October 12, 2019
Меѓутоа, бизарно, Магомедкеримов се разболе пред полуфиналниот меч против Реј Купер и се повлече од мечот, по што Кертис реши еден час по пензионирањето да се врати во кафезот. Ова не заврши најдобро, тој доби брутален нокаут во втората рунда.
Откако се созеде, Кертис потврди дека се повлекува од спортот со 21 победа и 8 порази во кариерата.
RAY COOPER III!!! ???
He’s heading back to the #PFLChampionship on New Year’s Eve! #PFLPlayoffs pic.twitter.com/t5vvykDvHC
— #PFLmma (@ProFightLeague) October 12, 2019