Одбојкарската репрезентација на Македонија оствари победа од 3:1 во сетови (25:21, 22:25, 25:19, 25:22) совладувајќи ја Романија во СЦ „Борис Трајковски“. Никола Ѓорѓиев и друштвото стигнаа до вториот триумф во Сребрената одбојкарска лига и го задржаа курсот за првите две позиции. Сепак, ќе треба да одиграат многу подобро во продолжение од ова натпреварување.
Македонија го доби првиот сет, но потоа Романците покажаа зошто се првопласирани и возвратија во вториот. Сепак, Македонија во третиот сет одигра одлично и го доби со 25:19, а по голема драма го реши мечот во четири сета.