Тенисерката од Чешка, Каролина Плишкова спаси четири меч топки и преку Серена Вилијамс избори пласман во полу-финалето на Австралија опен.
Серена во решавачкиот трет сет имаше предност во гемови 5:1 и 40:15, но Плишкова успеа да се спаси од амбисот и на крајот да победи 6/4, 4/6, 7/5.
Еден брејк го реши првиот сет, него го направи Плишкова во петтиот гем. Во вториот сет одново тенисерката од Чешка прва стигна до брејк, меѓутоа Серена веднаш возврати, а потоа започна да ја „меле“ својата противничка.
Американката продолжи со фуриозната игра и во третиот сет, стигна до 5:1, меѓутоа клучен момент беше нејзината повреда. За време на една долга размена Серена го повреди скочниот зглоб.
(?@Eurosport_RU ) pic.twitter.com/KEvwQFBabQ
— doublefault28 (@doublefault28) January 23, 2019
Поредата на противничката Плишкова ја искористи максимално. Спаси четири меч топки, освои шест гема во низа и ја забележа една од најголемите победи во кариерата.
За пласман во финалето Плишкова ќе игра против Јапонката Наоми Осака, додека во второто полу-финале ќе играат Петра Квитва и Данијел Колинс.