Храбрата јапонска пливачка Рикако Ике најавува борба за најсјајно одличје на Олимписките игри во Токио. Тука не би било ништо чудно, но на оваа 20-годишна девојка пред 2 години и дијагностицирале леукемија.
„Ќе го искористам искуствово како отскочна даска за да станам доминантен пливач кој никогаш не губи. Ова не го очекував, имав многу помалку самодоверба за разлика од пред 5 години“ рече пливачката по државното првенство на кое избори норма на Олимпијадата.
Пливаше во штафетата 4×100 метри и заврши со време 57.77 секунди. Кога стигна на целта силно ја стегна тупаницата, ги прегрна противничките и се расплака.
Нејзините солзи ги видоа во целиот свет, па без оглед на резултатот кој ќе го направи во Токио, таа веќе е победник.
Во поединечка конкуренција не сакаше да се натпреварува, затоа што, како што самата кажува, нејзиното тело се уште се опоравува од тешката болест.