Светската тенисерка број 1, Ига Швјонтек се пласираше во полуфиналето на Ролан Гарос по рутинската 6:3/6:2 победа над Американката Џесика Пегјула за да го продолжи „маршот“ во 2022 и првпат да игра во полуфинале на францускиот гренд слем.
Полјачката има неверојатна година, во која има 33 победи едноподруго и сега ќе го игра второто гренд слем полуфинале во 2022.
Нејзина противничка ќе биде Русинката Дарја Касаткина, која ја доби битката со својата сонародничка Вероника Кудерметова со 6:4/7:6(5). Во второто полуфинале во Париз играат американската тинејџерка Коко Гоф и италијанското изненадување Мартина Тревизан.