Рафаел Надал со победа го започна својот настап на Австралија опен. Сигурни победи во првата рунда забележаа и руските тенисери Данил Медведев, Карен Хачанов и Андреј Рубљов.
Вториот носител на турнирот, Надал, за 113 минути го порази Ласло Ѓере од Србија. Шпанецот славеше во три сета со 6/3, 6/4, 6/1. Надал кој последните неколу дена се жалеше на повреда на грбот, одигра сигурно, а на теренот не можеше да се забележи дека повредата оставила некаква трага.
Рубљов, не влезе најдобро во дуелот со Германецот Јаник Ханфман, претрпе брејк на стартот, меѓутоа експресно ја стабилизираше својата игра, го доби првиот сет со 6/3, а потоа на идентичен начин го освои и вториот сет. Во третиот му беше доволен еден брејк, го освои со 6/4, што му донесе пласман во второто коло и меч со Мајкл Мекдоналд.
Четвртиот фаворит, Медведев, на 63. на АТП листата, Васек Поспишил му препушти осум гема. Медведев поведи со 6/2, 6/2, 6/4.
Хачанов, одигра четири сета, на теренот мина три часа и осум минути и на крајот го победи Александар Вукиќ од Австралија со 6/3, 6/7, 7/6, 6/4.