Австриската полиција потврди дека, вчера во ски-центарот Зелден, се случила несреќа во која загинал сноубордерот од Словенија, Марко Грилц (38).
Агенцијата АПА, објави дека Грилц во Зледен снимал промотивно видео за овој познат ски-центар. Во текот на еден спуст, Грлиц паднал и удри во карпа покриена со снег.
И покрај укажаната лекарска помош и реанимацијата, Грлиц починал.
Марко Грилц бил најполуларниот сноубордер од Словенија, победник на бројни меѓународни натпревари и еден од пионерите на снимањето на спортски филмови.
Во последната деценија направил многу за популаризацијата на овој спорт.