Саманта Стосур од Австралија и Шуај Жанг од Кина ја освоија титулата во двојки на Австралија опен.
Стосур и Жанг во финалето ја победија унгарско-француската комбинација Тимеа Бабош и Кристина Младановиќ со 6/3, 6/4 за еден час и 37 минути игра.
Саманта Стосур ја освои својата трета гренд слем титула во игра на двојки. Таа има трофеи на Ју-Ес опен во 2005 и Ролан Гарос во 2006 година. Жанг прв пат во кариерата играше финале и веднаш освои трофеј.
Стосур е првата Австралијак која го подигнала трофејот во игра на двојки, на Австралија опен, по пауза од 14 години. Во 2005 година Алисија Молик заедно со Светлана Кузњецова ја освои титулата.