Боксерската легенда, Мајк Тајсон открива дека месечно пуши марихуана вредна 40.000 долари на неговиот ранч во Калифорнија, каде што канабисот е легален и тој го одгледува за продажба.
53-годишниот поранешен апсолутен шампион во тешка категорија открива дека заедно со своите пријатели и познаници пуши огромно количество на трева.
„Колку пушиме месечно? Да, околу 40 илјади долари. Десет тона трева секој месец“, признава Тајсон.
Тајсон одамна е познат како љубител на марихуаната, а по легализацијата во Калифорнија влезе во бизнисот, купувајќи огромен ранч во близината на Долината на Смртта. Тој открива дека месечно продава марихуана во вредност од 500.000 долари на продавниците во Невада и Калифорнија.