Петтиот носител, Стефанос Циципас се пласираше во третото коло на Вимблдон, откако во епска битка од пет часа, во меч кој започна вчера под рефлектори во Лондон, стигна до 7:6(3)/6:7(2)/4:6/7:6(3)/6:4 победа над поранешниот шампион и миленик на домашната публика, Енди Мареј.
Мареј имаше предност од 2:1 во сетови кога вчера беше прекинат мечот на „Централниот терен“, но Циципас успеа да се врати во драматичен тај-брејк во четвртиот сет за да израмни на 2:2, за потоа со еден брејк да ја комплетира победата по 4 часа и 40 минути игра.
Следен за грчкиот фаворит е Србинот Ласло Ѓере, кој се врати од сет-негатива за 3:6/6:3/7:6(5)/6:3 да го победи Американецот Бен Шелтон.