Како ќе заврши новата „сапуница“ помеѓу Килијан Мбапе и Пари Сен-Жермен никому не му е јасно, но во францускиот шампион се сигурни дека нивниот напаѓач веќе има договор да се приклучи на Реал Мадрид како слободен играч во 2024 година, тврди „РМЦ спорт“.
Мбапе одбива да ја активира клаузулата и да го продолжи договорот до 2025 година, додека ПСЖ му даде ултиматум до крајот на месецот да го направи тоа, по што ќе биде поставен на фудбалскиот пазар. Сепак, сумата од 200 милиони евра која се најавува за Французинот нема да можат да си ја приуштат многу клубови. Реал Мадрид, секако, е еден од тие клубови и ПСЖ сметаат на тоа да заработат висока сума за својот најдобар играч.
Самиот Мбапе во моментов е во Камерун, земјата од каде што потекнува неговиот татко и менаџер, Вилфрид Мбапе, и секако, беше запрашан каде ќе игра следната сезона.
„Сега ќе играм во Камерун и тоа е најважно. Тука сум на одмор и сега размислувам само на Камерун“, изјави тој.
🔴 Le PSG, qui a fixé un ultimatum à Mbappé, est persuadé que le champion du monde 2018 a déjà un accord avec le Real Madrid pour une arrivée en 2024.https://t.co/hMi7zVK1QJ pic.twitter.com/nBSdDKFd2S
— RMC Sport (@RMCsport) July 7, 2023
BREAKING: PSG believe Kylian Mbappe has already agreed to join Real Madrid on a free transfer next summer ⚽ pic.twitter.com/n6vZCMKh6L
— Sky Sports News (@SkySportsNews) July 7, 2023