Top Sport

Турнирот на Ѓоковиќ во Задар ќе се игра пред публика

Поранешниот хрватски тенисер Горан Иванишевиќ потврди дека турнирот на Новак Ѓоковиќ, наречен „Адриа тур“, во Задар ќе се игра пред публика.

„Адриа тур“ во Задар ќе се игра на 20 и 21 јуни, а покрај Ѓоковиќ ќе настапат Григор Димитров, Доминик Тим, Виктор Троицки и најдобрите хрватски тенисери Марин Чилиќ и Борна Чориќ. Настапот на Александар Зверев на овој турнир се уште е неизвесен.

„Добивме потврда дека ќе може да биде пополнет пола од капацитетот на стадионот. Се надеваме дека за еден месец ќе може да бидат присутни и повеќе гледачи“, рекол Иванишевиќ.

Покрај турнирот во Задар Ѓоковиќ организира турнири во Белград (13 и 14 јуни), во Црна Гора (27 и 28 јуни), додека на крајот од „Адруиа тур“, Ѓоковиќ ќе одигра меч против Дамир Џумхур во Сараево.

Scroll to Top