Чен Сунг Џунг, или попознат како „Корејски зомби“ имаше фантастичен меч за да го победи поранешниот УФЦ шампион во тешка категорија Френки Едгар по што побара дуел со новокрунисаниот УФЦ шампион во перо категорија, Австралиецот со македонско потекло, Александар Волкановски.
Јужнокорејската ѕвезда, кој во 2013 година се бореше за УФЦ титулата во перо категорија прво отслужи двегодишна воена обврска во Јужна Кореја, пред да се врати во УФЦ октагонот и да стигне до четири победи во пет меча.
Саботната победа над Едгар на УФЦ Бусан го „цементираше“ како главен кандидат за титулата на Волкановски на почетокот на 2020. Нему му беа потребни само 3 минути и 18 секунди да го декласира Едгар со нокаут во првата рунда.
Покрај „зомбито“ во игра за дуел со Волкановски се и руската ѕвезда Забит Магомедшапиров, Мексиканецот Јаир Родриге и поранешниот шампион Макс Холовеј, кој може да добие ри-меч.