Андреас Велингер го победи својот германски сонародник Рихард Фрајтаг за трета победа во кариерата во Светскиот куп во ски скокови во рускиот Нижни Тагил.
22-годишниот Германец имаше скокови од 132 и 133.5 метри за да освои 275.7 поени пред победникот од саботното натпреварување, Фрајтаг со 270.9 поени (131 и 138 метри), додека трет беше актуелниот шампион од Светскиот куп, Австриецот Штефан Крафт со 263.5 поени (128 и 133.5 метри).
По четири индивидуални натпреварувања во Светскиот куп, во кои имаше четири различни победници (Џуниширо Кобајаши, Јернеј Дамјан, Фрајтаг и Велингер), Фрајтаг е лидер во генерален пласман со 270 поени пред Велингер со 239 и Норвежанецот Даниел Андре Танде со 220 поени.
Натпреварувањето од СК продолжува следниот викенд со едно тимско и едно индивидуално натпреварување во германскиот Титизе-Нојштад.
Lo stile in volo è PERFETTO!?❄
Andreas Wellinger vince sul trampolino di Nizhny-Tagil#EurosportSCI | https://t.co/yeuDfSfQxW pic.twitter.com/fetntDaE0p— Eurosport IT (@Eurosport_IT) December 3, 2017
