По крајот на вимблдонските возбудувања, тенискиот свет се најде во дискусија околу еден проблематичен момент од вчерашниот меч на Унгарија опен во Будимпешта и неспортското однесување на унгарската тенисерка Амариса Кјара Тот.
На турнирот на земја, проблемот настана при 5:5 и 15:15 во првиот сет, кога еден удар на кинеската тенисерка Жанг Шуаи беше оценет како аут, иако Жанг беше сигурна дека ја погодила линијата. Таа побара интервенција на судијата, но Тот отиде кај отпечатокот од топчето и го избриша со патиката.
Жанг потоа го повика физиотерапевтот пред да реши да се повлече од мечот и беше исвиркана од публиката. Тот вели дека не го сфаќа проблемот.
„Не сфаќам зошто направи толку врева. Требаше да ја прифати одлуката и оди понатаму“, изјави Тот.
Жанг, пак, се пожали преку социјалните мрежи.
„Многу фанови и тенисери ми пратија порака, знаејќи дека бев во право“, напиша Жанг.
A glaring display of bad sportsmanship.
Shuai Zhang’s opponent, Kiara Toth, erased a ball mark as Zhang was pleading to speak with a supervisor about a bad call
“Wait, wait, keep the mark”
Zhang was booed & retired from the match
Awful. Just awful 💔
— The Tennis Letter (@TheTennisLetter) July 18, 2023