Словачката Петра Влхова се промовираше во главен ривал на алпската „кралица“ Микаела Шифрин, откако триумфираше на ноќниот слалом во Флахау и покрај тоа што беше трета по првото возење.
Ова е седма победа во кариерата на 23-годишната Влхова и трета оваа сезона, но првпат во кариерата во слалом е пред Американката, која беше лидер по првото возење. Влхова претходно беше втора зад Шифрин на слаломските трки во Загреб, Осло, Куршевел и Килингтон.
Влхова имаше комбинирано време од 1:52.85 благодарение на блескавото второ возење, за да биде подобра за 0.15 секунди од Шифрин, додека третото место го освои Швеѓанката Ана Свен Ларсон со големи 1.05 секунди заостанување. Топ 5 го комплетираа домашната надеж Катарина Линсбергер и Швајцарката Венди Холденер.
Шифрин останува лидер во генерален пласман во слалом со 760 поени, но Влхова е блиску на второто место со 680 поени. Во трката за големиот кристален глобус пак, Шифрин е убедливо на првото место со 1.294 поени, пред Влхова со 848 и Холденер со 559.
Фото: ЕПА
Can Mikaela Shiffrin catch Petra Vlhova?
NO!
Vlhova has finally beaten Shiffrin! pic.twitter.com/n5oG0LT2WD
— Eurosport UK (@Eurosport_UK) January 8, 2019
Brilliant opening run for @MikaelaShiffrin!#worldcupflachau pic.twitter.com/YlMuYRgcEj
— Eurosport UK (@Eurosport_UK) January 8, 2019