Каролин Вознијацки и Коко Гоф го минаа второто коло на првиот грен-слем во сезоната, Австралија опен.
Вознијацки која по овој турнир најави крај на кариерата во два сета со 7/5, 7/5 ја победи Украинката Дајана Јастремска. Поранешната број 1 во првиот сет направи неверојатен пресврт откако успеа да се врати по негатива во гемови од 1:5. Вознијацки во минус беше и во вториот но и тука надомести брејк негатива и успеа да победи.
Во третото коло тенисерката од Данска ќе игра против Онс Џабур.
Американската сензација, 15 годишната Коко Гоф, мина уште една пречка во Мелбурн. Таа во три сета 4/6, 6/3, 7/5 ја совлада Романката Сорана Кирстеа.
Во третото коло младата Американка ќе игра против бранителката на трофејот Наоми Осака.
Пласман во третото коло досега обезбедија Гергес, Пављученкова, Жанг, Контавејт, Квитова, Риске, Барти.