Рамона Зибенхофер цел живот чекаше за својата прва победа во Светскиот куп во алпско скијање, а сега оствари два триумфа во два дена!
По победата на спустот во Кортина Д’Ампецо во петокот, 27-годишната Австријка повторно доминираше и во саботата на истата патека, но овојпат со далеку помала предност – таа беше само 0.04 секунди пред својата сонародничка Никол Шмидхофер.
Светската шампионка во дисциплината, Словенката Илка Штухец, која вчера беше втора, овојпат беше на третото место со 0.51 секунди. Ова е четврти подиум во низа за Штухец, која се врати оваа сезона на скијањето по сериозната повреда.
Американката Линдзи Вон уште ја нема вратено самодовербата по низата повреди и заостана дури 1.36 секунди послабо време по неколку грешки на тешката патека.
Фото: ЕПА