Германскиот тенисер Александар Зверев јавно го искажа незадоволството од тоа како АТП го врши бодувањето, во последната година. Зверев смета дека системот на „заштитен пласман“ не е праведен и се прашува како е можно Роџер Федерер да биде пред него на АТП листата.
Александар Зверев на АТП листата се наоѓа на седмото место со 5.635 поени, додека Федерер, кој не играше 13 месеци е пред него со 6.375 поени.
„Голем сум фан на Роџер Федерер, но тој не играше една година и сепак е пред мене на листата. Играв Гренд слем финале, Мастерс финале…Овој систем е катастрофа“, рекол Зверев.
„Со овој систем рангирањето навистина не ми е важно. Мислам дека треба да бидам меѓу најдобрите четири-пет играчи во светот, дека тоа треба да биде нормално. Системот е смешен“, дополнил Зверев.