Словенечки Целје беше на чекор до својата четврта победа во ЕХФ Лигата на шампиони, најголема досега против моќната Барселона, пред во последните минути од мечот, голманот на каталонскиот клуб, Емил Нилсен да направи неколку клучни одбрани за да помогне Барса да стигне до првото водство во последната минута за 28:27 победа.
Целје први дојдоа во водство, и постојано беа подобриот тим, со максимална предност од четири гола, за на три минути пред крајот да биде 27:24 за Целје. Во финишот на мечот падна концентрацијата на Целје, нешто што тим како Барселона веднаш го искористи, и Алеиш Гомез го постигна победничкиот гол, пред Нилсен да го одбрани последниот обид на словенечкиот тим.
Барселона нема пораз оваа сезона во 12 кола, остварувајќи 11 победи и одигрувајќи само едно реми, со што се први фаворити за нова титула во ЛШ.
ЕХФ ЛИГА НА ШАМПИОНИ, 12.КОЛО
ГРУПА Б
Целје – Барселона 27:28 (15:12)
Кјелце – Алборг 33:28 (15:15)
Елверум – Нант 36:42 (18:21)