Франција ја оправда улогата на прв фаворит за злато на Европското првенство во Хрватска, откако успеа да го „скрши“ отпорот на Швеѓаните и да стигне до 23:17 победа со која се зацврстија на првото место во групата 1 со максимални 6 поени.
Швеѓаните имаа одлично прво полувреме, но фантастичниот голман на „триколорите“ Винсен Жерар ги „спушти ролетните“ и со 15 одбрани обезбеди Франција на полувреме да оди со предност од 10:8. Французите останаа без Лука Карабатиќ кој доби директен црвен картон поради остар старт.
Veteran left winger Mickael Guigou puts his sheer experience on Display against Sweden as he first steals the ball and moments later also finishes the counter-attack. @FRAHandball ?? #SWEFRA pic.twitter.com/34kKDloj5N
— EHF EURO (@EHFEURO) January 20, 2018
Во второто полувреме, шесткратните актуелни светски шампиони, Франција полека ја „ставија“ Шведска во машината и полека се одлепија, додека Швеѓаните повеќе од шест минути не успеаја да постигнат гол.
Седрик Сорендо беше најефикасен за Французите со пет постигнати голови, додека четири постигна Кентин Мае, а кај „трите круни“, Симон Јепсен беше ограничен на четири гола.
The French goalkeeper Vincent Gerard shuts the gate in the opening part of the game versus Sweden as he conceded just one goal from 13 shots he faced.#SWEFRA @FRAHandball ?? pic.twitter.com/GeHaKxgT54
— EHF EURO (@EHFEURO) January 20, 2018