Она што се најавуваше во изминатите неколку месеци, денес доби потврда, рускиот интернационалец Сергеј Горбок се врати во Вардар. Играчот кој минатата сезона, со ПИК Сегед, ја освои титулата во Унгарија, договорил две годишна соработка со црвено-црните.
Тој е вториот играч од шампионскиот тим на ПИК Сегед што доаѓа во Скопје, по средниот бек Сташ Скубе кој потпиша тригодишен договор со клубот.
Со своето големо интернационално искуство се очекува Горбох да внесе уште поголема смиреност и прецизност во играта, особено во нападот. Играњето во „црвено-црниот” дрес нема да му биде ништо ново со оглед на тоа што и претходно настапуваше во „Јане Сандански”.
Покрај во Вардар и во ПИК Сегед, Горбок има настапувано и за екипите на Аркатрон Минск, Запорожје, Целје, Рајн Некар и Чеховски Медведи.
фото: rkvardar.mk