РК Вардар 1961 го забележа првиот пораз во новата сезона во ЕХФ Лигата на шампиони, откако во реприза на полуфиналето од ЛШ од 2018, дома повторно загуби од Монпелје, овојпат со 25:31 (11:15).
Монпелје во 2018 година ги спречи Вардар да играат (тогаш) второ финале на Лигата на шампионите, а овојпат дојдоа подготвени во Скопје за да ја забележат втората победа во новата сезона против тимот на Веселин Вујовиќ.
Францускиот клуб започна одлично со 0:2 предност, и во текот на целото прво полувреме ја оддржуваше предноста за на полувреме да се отиде со четири гола негатива (11:15). Во второто полувреме, наместо да се случи камбек на „црвено-црните“, францускиот клуб го зголемуваше водството за на крајот да стигне до голема победа и болен пораз за Вардар.
Жулиен Бос беше најрасположен за игра со 7 гола, колку што имаше и Килијан Вилјемино, додека за Вардар Тимур Дибиров даде 7 гола, додека Жереми Тото заврши со 6.
Фото: РК Вардар 1961
ЕХФ ЛИГА НА ШАМПИОНИ, 4.КОЛО
ГРУПА А
Вардар – Монпелје 25:31 (11:15)
ГРУПА Б
Кјелце – Флензбург 37:28 (21:16)