Поранешниот тренер на Вардар, Роберто Гарсија Прондо, повторно ќе работи во клупскиот ракомет. Парондо најде работа во Бундеслигата, во Мелсуген. Шпанецот покрај во клубот ќе работи и во репрезентацијата на Египет.
Прондо, со Вардар во 2019 година, ја освои Лигата на шампиони. Тој пред две години стана селектор на Египет. Со „фараоните“, летово го освои четвртото место на Олимписките игри во Токио. Во борбата за бронзата Египет загуби од Шпанија 31:33.
41-годишниот тренер се договорил со челниците на Ракометниот сојуз на Египет, да ја предводи репрезентација на Африканскиот куп во јануари наредната година, а потоа ќе разговара за понатамошната иднина.