Подмладената македонска ракометна репрезентација ќе се бори за медал на Медитеранските игри кои се одржуваат во Алжир.
Пласман во полуфиналето Македонија избори благодарение на убедливата победа на Шпанија над Алжир 31:19. Поради подобрата гол-разлика Македонија го освои второто место во Б-групата.
Македонија за противник во полуфиналето ќе го има Египет. Една од најсилните африкански репрезентации на Медитеранските игри ги користи како подготовка за Купот на Африка. Во второто полуфинале Шпанија ќе игра против Србија.
Македонија и Египет ќе играат в понеделник, од 14 часот.
Фото/ facebook.com/rfmofficial