Македонската ракометна репрезентација квалификациите за пласман на Европското првенство во Германија во 2024 година ќе ги почне против Луксембург во Скопје во октомври оваа година. Во тој термин ќе има и гостување во Турција.
Следната година во март нашиот нацонален тим ќе има двомеч со фаворитот во групата, Португалија, а циклусот го завршува во април 2023 со дуелите против Луксембург на гости и против Турција дома.
На Европското првенство пласман обезбедуваат првопласираните и второпласирантие селекции од осумте квалификациски групи, а ќе има место и за четири од третопласираните. Овие 20 репрезентации ќе им се приклучат на четирите кои имаат директен пласман Германија. Данска, Шведска и Шпанија.
РАСПОРЕД ВО КВАЛИФИКАЦИИТЕ ЗА ЕП 2024
1.коло 12.10.2022 Македонија – Луксембург
2.коло 15.10.2022 Турција – Македонија
3.коло 08.03.2023 Македонија – Португалија
4.коло 11.03.2023 Португалија – Македонија
5.коло 26.04.2023 Луксембург – Македонија
6.коло 30.04.2023 Македонија – Турција