Борко Ристовски беше еден од ретките ракометари кои го покажаа својот максимум, посебно во првото полувреме, меѓутоа ниту неговите одбрани не овозможија Македонија да биде еднаква со силната Шпанија.
„Шпанците одиграа како што одиграа, а против таква одбрана не можеме да играме без план. Тие играа според учебник и нашите млади играчи можат да научат многу од овој натпревар. Сите веќе не гледаа во финалето, и затоа е добро малку да се спуштиме на земја и да ја погледнеме реалноста. Потребен е чекор напред да играме на највисоко ниво на Европското и Светското првенство. Сега, мораме да дадеме максимум против Чешка, што ќе биде многу тешко“, вели репрезентативниот голман.