Ракометниот вицепрвак Алкалоид означи почеток на подготовките за сезоната 2023/24. Во претстојната сезона тимот на Кире Лазаров покрај во домашното првенство, ќе се натпреварува и во Европската ЕХФ лига.
Првиот дел од подготовките ќе се реализираат во Скопје, а потоа екипата ќе оди на базични подготовки во Маврово.
Во вториот дел, од 16 до 20 август, РК Алкалоид ќе настапува на турнирот „Струга 2023“, а потоа ќе патува на финални подготовки во Хрватска, каде што ќе игра натпревари со екипите на Нексе, ППД Загреб, Сесвете и со словенечката екипа Добова.