Регионалната ракометна СЕХА-лига би можела да доживее распад поради воената состојба во Украина, пишува хрватскиот весник „Јутарњи Лист“.
Главен спонзор на лигата е рускиот „Газпром“, а меѓу тимовите се наоѓа и украинскиот клуб Мотор од Запорожје. Јасно е дека ракометарите на овој клуб не би можеле да играат натпревари во таква ситуација.
Уште поголем проблем е и финансиската состојба во ситуација кога не се знае какви се плановите и на „Газпром“. Претседателот Михајло Михајловски и директорот на СЕХА лигата, Синиша Остојиќ, за „Јутарњи“ не можеле да дадат одговор дали и кога би продолжило натпреварувањето.