Top Sport

СЕХА: Металург и Извиѓач ги поделија поените во дербито на дното, Нексе држи ритам (видео)

Металург беше на чекор до својата прва победа во СЕХА лигата оваа сезона, откако во четвртото коло го пречека Извиѓач од Босна и Херцеговина, но во финишот на натпреварот дозволи да брка резултат и на крајот ги подели поените 27:27 (14:11).

Со проблемите со повредените ракометари на тренерот Данило Брестовац, мечот против Извиѓач дојде во незгодно време по враќањето од Португалија од мечот од ЛШ, но Металург почна добро и имаше предност од три гола на полувремето. Сепак, во второто полувреме, гостите играа подобро и го преземаа водството, пред во последните десет минути да се влезе израмнето. На минута пред крај со голот на Мице Шилегов, Металург водеше со 27:26, но Марко Вукиќ израмни во последната минута. Обидот на Халил Јагањац за победа на крајот не беше успешен.

Шилегов и Мартин Серафимов имаа по шест гола за Металург, додека кај гостите најефикасен беше Ведран Делиќ со шест гола.

Со оваа поделба на поените, Металург и Извиѓач го оставија нишки Железничар на Веселин Вујовиќ на дното на табелата во регионалната лига, откако Нексе од Нашице со 34:25 (20:13) му го нанесе четвртиот пораз. Нексе сега има совршен скор во лигата од четири победи, исто како и актуелниот шампион Вардар.

Scroll to Top