Левото крило на Веспрем, Мануел Штрлек со писмо побара „милост“ и враќање во хрватската ракометна репрезентација, откако беше исфрлен од тимот пред Европското првенство оваа година, а генералниот секретар на Хрватскиот ракометен сојуз, Зоран Гобац му порача дека „за него патот е завршен“.
Хрватска без Штрлек стигна до среброто на ЕП, и сега тој со писмо до сојузот бара шанса да се врати во составот.
„Јас, Мануел Штрлек, со овој допис го молам Собранието на Хрватскиот ракометен сојуз и управниот одборн а ХРС да ја укине одлуката за моето неиграње за хрватската репрезентација, откако со сопствена одлука одбив да играм за репрезентацијата. Подготвен сум да бидам на располагање на селекторот за претстојните натпревари на репрезентација. Однапред благодарам“, стои во соопштението на Штрлек.
На Хрватска и следуваат важни натпревари во квалификациите за Олимписки игри во април, кога ќе играат со Франција, Португалија и Тунис.
За Штрлек „доживотно“ нема место во хрватската репрезентација