Петар Ненадиќ, најдобриот ракометар во светот во 2019 година, повеќе не е играч на Веспрем. Клубот со кратко соопштение објави дека со искусниот ракометар спогодбено го раскинал договорот.
По пет трофејни години во Унгарија, Петар Ненадиќ доби отказ од Веспрем. Откако не беше во тимот во победата од 32:30 над Порто во Лигата на шампионите, клубот најпрвин објави дека Ненадиќ е суспендиран, а сега е дека тој си заминал од клубот.
„Според вчерашното соопштение, Петар Ненадиќ е суспендиран поради дисциплински прекршоци. Како последица на тоа, клубот спогодбено го раскина договорот со него. Овој играч повеќе не е член на Телеком Веспрем“, се вели во краткото соопштение на унгарскиот тим.
Ненадиќ во 2018 година за 500.000 евра од Фуксе Берлин пристигна во Веспрем.