Поранешниот македонски репрезентивец, Александар Зарков си замина од позицијата тренер на вториот тим на РК Еурофарм Пелистер и кариерата ќе ја продолжи во женскиот грчки клуб Неа Јонија, освојувач на купот на Грција.
„РК Еурофарм Пелистер 2 ја известува јавноста дека на истек на договорот ова лето клубот го напушта тренерот на екипата Александар Зарков. Заради интернационален предизвик Зарков се одлучи за нов почеток и нашиот клуб му посакува успеси и многу среќа.
Зарков е жива легенда на нашиот клуб, човек кој како играч освои шест титули шампион на Македонија, а беше дел од стручниот штаб и во седмата титула, освоена во сезоната 2022/23. Во последните неколку години беше дел од стручниот штаб Еурофарм Пелистер 2, а од февруари годинава ја презеде екипата како прв тренер по именувањето на Александар Јовиќ во Еурофарм Пелистер“, велат од Пелистер.
Фото: РК Еурофарм Пелистер