Македонскиот репрезентативец и ракометар на Еурофарм Пелистер, Мартин Велковски, има сериозна повреда на вкрстените лигаменти на коленото и за него сезоната е завршена. Тој ќе мора да оди на операција, а потоа следува и неколкумесечна рехабилитација. За него оваа сезона е завршена.
Поради ова Мартин Велковски не се најде на списокот на селекторот Кирил Лазаров од 35 ракометари повикани за баражот против Романија за пласман на Светското првенство. Неговата повреда е голем удар и за Еурофарм Пелистер и за македонската ракометна репрезентација.
Еурофарм Пелистер денеска ќе го пречека АЕК Атина во последното коло во групната фаза во ЕХФ Европската лига, а покрај Мартин Велковски нема да настапи и Јосип Периќ.