Тренерот на Конор Мекгрегор, Џон Кавана вели дека би сакал да ја посети Москва откако таткото на УФЦ шампионот, Хабиб Нурмагомедов изјави дека би бил можен ри-меч со Ирецот следната година на „руско тло“.
Првиот меч меѓу двете најголеми УФЦ ѕвезди во октомври беше најгледаниот ММА меч во историјата, во кој Нурмагомедов го победи Мекгрегор, а потоа настана општа тепачка за што двајцата фајтери добија суспензии. Сега, по сите контроверзи, навреди и повикувања преку медиумите и социјални мрежи, ситуацијата се смири и ри-мечот е сè поизгледен
Предизвикот на Абдулманап Нурмагомедов е прифатен, откако Кавана на Твитер јасно порача: „Би сакал да ја посетам Москва“. Ри-мечот, секако, би донел огромни пари за двајцата, а УФЦ минатата година дебитираше во Русија и веќе оддржа неколку мечеви.
Таткото на Хабиб најави: Ако сака Мекгрегор, Москва го чека во 2020!