Поранешниот фудбалер на Баер Леверкузен Димитар Бербатов смета дека Каи Хаверц не треба да направи трансфер во Реал Мадрид.
20 годишниот Германец зад себи има брилијантна сезона со што привлече вниманието на најголемите европски клубови.
„Погледнете ги Лука Јовиќ и Еден Азар, исто така на почетокот многу го критикуваа и Тибо Куртоа. На Герет Бејл и понатаму му свиркаат, а дури свирежи му испраќаа и на Кристијано Роналдо. Тоа е неверојатно. Секако дека предизвик е да се добие понуда од Реал но треба да се соочите со реалноста. Хаверц и понатаму е ногу млад, доколку би останал уште една година во Баер би можел уште повеќе да се развие, физички и технички, па и ментално. Тешко дека во Реал ќе го игра секој натпревар“, рекол славниот бугарски фудбалер.
Покрај Реал сериозен интерес за хаверц покажуваат Челси и Баерн Минхен.