Словенецот Тадеј Погачар (УАЕ Емирати) стигна до победа на деветтата етапа на Тур де Франс на Пиринеите, додека неговиот сонародник Примож Роглич е новиот лидер во генерален пласман по возбудливата недела во Франција.
21-годишниот Погачар предводеше словенечка 1-2 победа пред Роглич, откако двајцата се одвоија заедно со актуелниот шампион Еган Бернал и Микел Ланда и го стигнаа Швајцарецот Марк Хирши кој избега рано на етапата на Кол де Мари Бланк. 22-годишниот Хирши водеше 90 километри од етапата, но на крајот загуби во битката со Погачар и Роглич во спринтерски финиш.
Роглич (Џамбо Висма) е новиот лидер на трката, откако Адам Јејтс (Мичелтон-Скот) загуби време на последното искачување по нападот на квартетот. Тој заврши на 54 секунди зад победниците и сега Роглич има 21 секунда предност пред Колумбиецот Бернал, а трет останува Французинот Гијом Мартин (Кофидис) со 28 секунди послабо време.
? Un raid solitaire magnifique et plein de promesses pour ?? @MarcHirschi.
?? Victoire et Maillot Jaune pour les Slovènes avec @TamauPogi et @rogla.? Mettez le son et profitez du résumé en Français de l'étape 9 du #TDF2020.#TDFunited pic.twitter.com/tJn50pBUXf
— Tour de France™ (@LeTour) September 6, 2020