На денешен ден во 2005 година Реал Мадрид го претстави 19-годишниот дефанзивец Серхио Рамос (34) кој во следните 15 години ќе стане еден од најголемите играчи на клубот со 22 трофеи.
Тој 8 септември Рамос на „Сантијаго Бернабеу“ стоеше меѓу претседателот Флорентино Перез и почесниот претседател на Реал, Алфредо Ди Стефано.
Бројот 4 кој претходно го носеше Фернандо Јеро, од тој ден е на грбот на Рамос.
Шпанецот кој за 27 милиони евра од Севилја дојде во Мадрид стана легенда на Кралскиот клуб. Има 650 настапи, освои 22 трофеи меѓу кои 4 титули клупски светски првак.
Постигна 97 гола , а заработи и рекордни 26 црвени картони.