Директорот на Интер, Бепе Марота, потврди дека Кристијан Ериксен се наоѓа на „листата на фудбалери кои може да направат трансфер“ во јануари и дека најверојатно го одигра последниот меч за „нераѕурите“, откако не беше дел од тимот на Антонио Конте за денешниот дуел со Верона.
Интер му дозволиле на Ериксен да се врати во Данска за да биде со неговата сопруга, која во наредните неколку дена треба да се породи.
„Ќе се сретнеме со тренерот, но не на застрашувачки начин, туку нормално, бидејќи доаѓа половина од сезоната на стартот на преодниот рок. Јасно кажавме дека има фудбалери кои се на таа листа со која можат да направат трансфер, тие кои сакаат да играат повеќе и клубот ќе биде задоволен да го реши тоа. Ериксен е на таа листа, да, бидејќи не успеа да се вклопи во тимот и не е функционален за Интер. Тоа е објективен факт, а не навреда за неговиот професионализам, не се работи за казна туку само за ситуација која се развиваше подолго време“, вели Марота.