Австралиската рагби ѕвезда Тутаи Кефу се здобил со сериозни повреди откако бил избоден со нож при грабеж во неговиот дом, јавуваат австралиските медиуми, кои додаваат дека при грабежот биле повредени и неговата сопруга и неговите две деца.
47-годишниот Кефу, кој имаше 60 настапи за Австралија со која го освои и Светскиот куп, добил убоди во стомакот во обид да го заштити своето семејство при грабежот кој се случил во 3 часот наутро во нивниот дом во Бризбејн.
Според полицијата, Кефу бил разбуден од бучавата во понеделникот наутро, кога крадците ги барале клучевите од неговото возило, по што бил нападнат со нож, а потоа и соседите ги пресретнале крадците од кои едниот, малотелен престапник е уапсен. Вториот човек бил уапсен по полициска потера.
❤️ You got this great man!! All our love and thoughts to you and the entire Kefu family!! #Wallabies pic.twitter.com/WGMeuiUuqy
— Wallabies (@wallabies) August 15, 2021