Top Sport

Facebook Twitter

Квартараро стана шампион во Мизано, емотивно збогување на фановите со Роси

Автомото Makfax / 24.10.2021

Фабио Квартараро е новиот Мото ГП шампион, откако неговиот главен ривал за титулата, Франческо Бањаја излета од водство на пет круга до целта, за суров крај на надежите на Италијанецот дека ќе ги израдува домашните фанови во Мизано на ГП на Емилија-Ромања.

Најголемиот дел од навивачите во Мизано беа на трибините во боите на Валентино Роси, популарниот „доктор“ кој се пензионира на крајот на сезоната, а тој одговори со трка во која беше на 10. место освојувајќи поени во генерален пласман.

На врвот, Франческо Бањаја, кој со своето Дукати стартуваше на пол-позицијата четврти пат едноподруго, ја имаше трката в џеб, со голема предност пред Марк Маркез во Хонда, но на пет круга пред крајот тој направи грешка и излета од патеката, крунисувајќи го Квартраро како прв француски шампион, откако тој заврши на четвртото место зад Пол Еспархаро и Енеа Бастијанини

Возачот на Јамаха, 22-годишниот Квартараро со четвртото место стигна до 270 поени, 68 пред Бањаја со максимални 50 поени за освојување во последните две трки од сезоната, во Алжарве, Португалија и во Валенсија, Шпанија. Квартараро оваа сезона победи на пет трки, Бањаја имаше две победи, а со триумфот во Мизано, Марк Маркез стигна до третата победа во 2021.

Scroll to Top