Шпанскиот гигант Реал Мадрид ќе се обиде да го купи италијанскиот репрезентативец Николо Барела од Интер во летниот преоден рок. Претседателот Флорентино Перез, откако „кралскиот клуб“ го елиминира ПСЖ и се пласира во следната фаза од натпреварувањето во Лигата на шампионите, одлучи да се обиде да ја доведе ѕвездата од Серија А.
Перез смета дека Барела би бил наследникот на Лука Модриќ и подготвен е да инвестира во трансферот на играчот од средниот ред на Интер.
Клубот од Милано за италијанскиот репрезентативец ќе бара 70 милиони евра, а Флорентино Перез на лето ќе се обиде да го доведе на „Сантијаго Бернабеу“.