Македонскиот репрезентативец Аријан Адеми се чувствува горд што успеа заедно со соиграчите од националниот тим да им приреди еуфорија на навивачите во Македонија, во баражот за пласман на Светското првенство. Сеакако, тој жали што македонската селекција не успеа да ја прескокне последната пречка за СП во Катар.
„Бевме многу блиску, имавме голема шанса да одиме на мундијалот во Катар. Дојдовме на еден чекор до СП и навистина е штета што не успеавме. Немам впечаток дека Португалија комплетно не надигра, но секако дека и тие заслужија да се пласираат на Светското првенство. Од друга страна, ние сме горди на се она што го направивме, посебно на победата против Италија. Тоа предизвика голема еуфорија кај македонските фанови“, изјави Адеми.
Македонија загуби од Португалија на „Драгао“ со 2:0, а двоен стрелец беше Бруно Фернандеш.